|
SubscriptionsSites I Read
|
|
|
|
| 因為腥架o既相片upload功能太廢o既原因, 我d相已經photo左係facebook.
想睇o既就去我facebook啦. kok69@hku.hk
http://www.facebook.com/album.php?aid=29487&l=87a7f&id=786553469
腥架, 你咁唔生性, 抵你冇人用要執笠啦唉...
| | |
| 唉..
去左英國兩個星期... 係幾好o既... 如果你黎旅遊o既話.
住就咪搞喇. 治安又差, 歧視又嚴重. 消費又貴.
最大問題係... 真係冇咪好食, 英國人真係垃圾口... 食黎食去都係包呀pizza呀fish and chips呀, 你想食外國野唔係唔得. 問題係最平都要過一舊水hkd, 仲要唔好食, 想好食就再俾貴d啦.
始終都係香港好, 你想食乜都有, 又平又抵.
始終香港先係我o既根, I Love Hong Kong.
| | |
| 2008年7月30日
20:06, 而家係buttermere, 一個偏遠o既英國山區.
寫番早兩日去左邊先.
前日(28/7)去左Greenwich Observatory, 之後原本plan左去temple church, 點知條dockland light railway壞q左... 有一段封左, 要提早落車, 間replacement bus service又遲遲唔黎, 搞到過左鐘去唔到temple church. 唯有改行程去museum of london, 都幾好睇, 詳細地講左london幾千年黎o既發展, 不左有一層展館封左睇唔到1800年以後o既歷史有d失望.
琴日成日都係搭車... 十一點係london搭去西北部o既cockermouth, 去到hostel已經八點半, 拿拿臨出去買英國版丁丁野食算數. hostel老細幾好人幾好傾, 問我香港過左十年有冇change, 我都唔知點答好, 你話大change就冇, 細change就好多. 傾左陣就訓教, 不過今晚間hostel好少人, 一間人訓十二人大房... 都幾驚=.=
今朝起身就出去main street行下, 原本plan左去牧場, toy museum同釀酒廠. 但toy museum執左笠變左做間gallery... 牧場就唔夠時間去.. 最尾淨係去左brewery, 間野都幾盞鬼, 釀酒o個陣味真係好香, 仲可以俾我地試食釀酒用o既小麥, 真係好好食, 我拎左幾粒做手信, 你想試o既可以book定先~ 最尾仲有試酒環節, 十幾隻啤酒任你飲, 試左最大路o個隻, 又幾好飲喎~ 係唔同d~ 晏晝就搭車去buttermere, 好彩我早去到巴士站.. 架車原本寫14:35開, 個司機14:15就走... 唔知係因為佢今日得一個人book車, 載左我就走定係點... 下次都係預早九個字好d...
去到buttermere, 周圍都係牧場, 周圍都係羊/牛屎.. 食左個vanilla icecream, 用農場牛奶整真係唔同d, 又滑又香濃, 正呀~ 不過呢度都幾隔汲... 又冇internet又冇tv signal mobile phone又收唔到, 都幾似金田一o既scene...
聽日就去上山去最期待o既black sail, 要行成4mile, 即係大概6km, 爬升都有五百幾米,希望唔會盪失路啦哈哈~ 為左安全我用左八鎊買左份地圖=.=
2008年7月31日
16:29, 到左blacksail喇~
今朝食完個english breakfast就出發, 唔太遠行左兩個幾三個鐘就到喇, 間屋仔真係幾靚, 好有風味, 原本係一間牧羊人牧羊時住o既屋仔, 而家就轉左做一間youth hostel.
仲有就係發覺英國人真係好鐘意行山, 好多人一家大細帶埋隻狗行, 又有人成班麻甩佬約埋一年一齊行一次山, 相比之後自己簡直係羽毛打飛機，小毛見大毛呀. 仲以為自己行幾個鐘上山好勁, 原來d英國人會一日行八九個鐘, 一個師奶帶住對仔女一日爬升八九百米都有-.-
2008年8月2日
9:48, The Graves Hotel.
琴日九點鐘食完早餐就落山, 行左兩個零鐘就到buttermere yha. 前日係blacksail有個鬼佬同我講英國火車好慢好冇效率而又貴(3xpounds, 即係四百幾五百蚊hkd), 加上workington冇野睇, 所以臨時改plan去東面出發, plan左去keswick再去lancaster, 再係lancaster轉coach去manchester. 等到一點鐘, 有間去keswick o既bus黎, 頂居然要4.75pounds, 我成身o既change加埋得4.32pounds, 唔夠錢俾而身上得番d50鐘大紙... 正堂我面露失望之情, 諗住要落車再諗計o既時候, 個司機大佬居然講：「好喇我計你singel child啦!」(中文翻譯), 即係3.15pound, yes!!上到車!!
搭左arround一個鐘就到keswick, 先去pencil meseum行下, keswick以前係一個石墨o既產地, 而石墨就係鉛筆o主要原料. 間博物館都幾好睇(我要諗唔到第二d形容詞黎形容佢...). 之後去keswick o既youth hostel碰運氣, 見之前幾晚間hostel通常都有幾張床淨, 結果係... fully booked... 之後上網check左星期六0230有national express, 於是再搭左兩個鐘車去lancastar, 睇下有冇平價hostel. 點知都係冇... 係大街有個女人介紹我去間shakespear, 去到先知裝修緊... 個女主人都幾好人, 打左十幾個電話幫我問其他hostel有冇位, 到最尾終於搵到間hotel b&b, 要45pounds... 原本諗住係巴士站訓就算, 但見lancaster治安都不太好... 又多乞兒, d人個都兇神惡煞咁... 都係住hotel穩陣d, 一於今朝早餐食盡佢當補數.
放底d野後去旁邊間中國外賣到買野食, 咁嗌個店主原來係香港移民, 傾左兩句, 原來o個邊都有冇線睇... 佢地睇緊疑情別戀... 番去食埋野就訓...
呢幾日觀察到:
1. 英國人好中意食煙, 差唔多個個都係煙民咁o制, 好中意閒來冇事就出門口煲, 係街又會見到d o靚仔十零號就渣住飛煙.
2. 英國人好中意飲酒, 個個都習慣閒來冇事就去bar飲杯野, 通街又係啤酒廣告, 早兩日係greenwich食間快餐跟餐可以揀啤酒添.
3. 英國人好中意周圍走黎走去, 北部o既人放假就會去南部玩, 南部o既呢就會上北部行山咁. 有d仲會踩單車周圍去, county council仲setup左一條route叫c2c, 即係sea to sea, 俾佢地由英倫半島o既一面踩去另一面.
2008年8月2日
14:21, 往manchester的火車上.
又犯同去日本時一樣o既錯誤... national express係0230開.. 係24hr system下o既0230, 即係凌晨兩點半, 我居然可以大安指意以為係下晝兩點半.... 下晝兩點半係1430呀大佬=.= 頂.... 攪到晒左7.60pounds係national express, 仲要再買12.6pounds o既火車飛, 仲要用左45pounds住hotel... 如果我凌晨去到manchester, 都可以係火車站訓... 咁就唔洗晒錢住酒店啦頂... 前後慳番58pounds呀=.=
呢排唯有食岩岩買o既公仔面當飯黎慳錢啦-..- 一個都要30p架...
2008年8月4日
呢兩日真係好攰... 行好多路...
先係前日去住o既地方... 係railway station行去, 話遠唔遠, 但都行左半個幾鐘.. 即係應該有2km..
琴日朝早o既官方活動係去manchester市內o既castlefield, 佢係即前羅馬人setup城堡o既地方. 因為係正manchesterc canal旁邊既關係, 係十九至二十世紀初時係一個工業重鎮, 有好多貨倉碼頭等等, 世紀上第一架載人o既飛機都係係castlefield到裝造, 但到左二十世紀後期時就開始沒落, 於時city council就諗到將佢活化, 就係改左博物館, 改左教育徑, 改左shop, mall同cafe, 同埋起residential area.
完左官方活動後就去去行textile meseum, 之後行番出大街搵野食, 搵下搵下搵到唐人街... 跟住三位大小姐呢樣又話唔中意o個樣又話貴... 結果最尾去左食pizza... 不過都幾平, 每人都係2.4pounds. 食完飯又去行manchester art gallery, 都幾好睇, 行左差唔多兩個鐘... 之後stella姐煮飯要去買餸, 之後就番去煮飯. 我就係sainbury買左盒英國出產o既strawberry, 只係2pounds, 但好甜好有strawberry味, 正呀. 平時係hk 食o既真係冇得比, 可能真係樹上熟, 係好食d.
今日就搭coach去castleton同peak district national park. 原本約左8:20係coach gather, 點知8:25歐陽大小姐同院大小姐仲換緊衫, 唯有唔好意思要人地廿幾人等多一陣啦, 「都只係一陣姐」. 先係搭車去peak district national park, 聽左個lecture講英國o既national park system, dr ng再補白講下hk同uk o既system有咩唔同, 有咩好有咩唔好咁. 之後搭車去castleton做下fieldwork咁, 最正係professor帶我地行山, 影左勁靚o相同埋畫勁無聊o既sketch map... 大佬呀而家用相機咩都影晒啦... 之後就番去嚕... 番到去只係六點, 幾位大小姐又話要行街, 好啦好啦... 行左40分鐘出市區, 去到已經七點, 問題係我地約左人八點食飯, 咁唔好意思喇唯有規定shopping 25分鐘, 7:25要走人. 哈果然不出啊mok同我所料, 7:25o既時候佢地仲係周圍睇緊o既. 要好似捉雞仔咁捉番佢地番黎... 走得時已經7:35. 我話不如搭巴士啦, 冇謂要人等咁耐啦, 佢地又話貴... 要慳就唯有連行帶跑番去啦, 又話支力又話冇氣, 三位千金小姐真係難侍候...
dinner就食左indian food, 普通... 之後就番去嚕... 今日都行左好多路, 我諗都有10km以上, 都係訓教喇...
cambridge唔知咩meseum
King's College
康河 River Cam
都係康河 River Cam
唔記得左
教堂玻璃.
靚花.
In Out Board
i
foot in the river
罌粟
垃圾桶裡的音樂家..
好大包o既potato chips..
晚餐.
| | |
| 2008年7月26日
香港時間10:40, 35000呎, 西伯利亞上空.
坐左八個幾鐘機, 其實我都真係幾期待呢個trip, 話晒咁大個仔第一次一個人咩住背囊周圍去, 但係睇到你咁o既樣, 我都真係好依依不捨o既...
anyway, 仲有四個鐘多d就到倫敦喇. 原本去到應該係10pm, 諗住係terminal訓一晚第二朝再出市區, 但而家應該八點半到, 都係出市區搵間hostel先.
2007年7月27日
倫敦時間10:11, 向劍橋Cambridge出發.
琴晚最後去左dony佢地o個間hostel到訓, 俾左19pounds加床, 諗諗下其實唔俾錢鼠入去都應該得.. 今朝8點就起左身食左個早餐, 英國d野真係好貴, 係supermarket買支500ml o既coke都成94p(~14hkd), 所以今朝o既早餐唔洗錢更加要食盡佢. 食完係reception放底luggage就去搭coach. 9:15出發, 仲驚死會遲,點知去到victoria coach station都只係9:40. 仲要張飛寫10:00 depart, 但就要去到10:05先放人上車.d人成日講英國火車呀巴士呀誤點有幾嚴重, 原來都唔係作大架.
沿途o既風景都幾靚, london o既周圍都算係平原地帶, 冇乜山, 啱晒用黎耕田xd.
好啦post番琴日d先.
飛機上
我的最愛, 爛片一部.
到英國喇.
oyster card, 即係london版八達通.
街景.
2008年7月27日
Cambridge真係好靚, 十幾廿間college組成一個大學城, 差唔多全部都有成百年歷史. cambridge雖然唔係好大, 但我行左唔夠三份之一, 已經好攰. 最大問題係.. 英國消費都幾貴, 一支500ml水要成75p(~11hkd), 搞到我成日都冇乜飲過野, 口乾乾咁... 到最後行到五點先見到間supermarket, 2l水都只係35p(~5hkd), 即刻掃支再架兩個包做宵夜!
仲有居然俾我去到cambridge都見到法輪功.
搭coach番london時仲有一段小插曲, 原本我係national express買左來回cambridge o既funfare ticket (即係discount野), 冇得改時間或搭第二班車. 但六點未夠所野包括景點快餐市集商場supermarket已經收晒皮, 咁我諗, 你問下個司機, 都有機會可以求到佢或瞞天過海呃佢唔知我係funfare, 唔問呢, 就一定等八點半班車. 問第一次, 原本佢話如果有位的話都可以搭, 但俾佢眼尾睇到我係funfare, 結果就梗係唔得啦. 到左七點, 見個司機唔係第一次問o個個人, 再問多次! 都係唔係... o個下都幾灰, 咁啱呢個時候又落雨又打大風, 真係屋漏更兼連夜雨, 冇車搭又落大雨呀~ 呢個時候居然有個著住法輪大法好o既鬼婆走黎派單張俾我, 問下佢呢樣o個樣就傾左半個鐘. 等到七點半, 今次學精左喇, 摺埋funware o個頁, 咁就俾我成功潛左上車, 哈哈咁就唔洗等多一個鐘喇xd.
番到london都只係九點, 都唔明點解回程可以快去o個程半個鐘... 搬左去另一間hostel, 仲同個法國佬吹一粒鐘水, 好似做左中國文化大使咁...
掛住你.
| | |
|
